و أخدتنا الحياة ..
فى طريق صعب علينا
مشيناه قافلين عينينا
لسنين مليانة حيرة
و نفوس مليانة غيرة
أخدتنا الحياة ..
لعيون تعرف تخون
و حب كبير يهون
لناس مالهاش أمان
و قلوب مافيهاش حنان
أخدتنا الحياة ..
لقلوب تاخد ما تدّى
قاسيين مش طيبين
و قلوب صافية و دافية
بالحب مليانين
أخدتنا الحياة ..
لأيام حب و غرام
و أيام غربة و أنين
لسنين بتفوت فى لحظة
و لحظات بتفوت سنين
أخدتنا الحياة ..
هشام الزيات
No comments:
Post a Comment