يُحكى أنّ واحد ريّس
عاوز يُحكم شعب كبير
لّم جماعته و جاب ولاعته
و راحوا يشتغلوا فى سرّ خطير
قام مُرشِدهم يُخطُب فيهم
عامل فيها الحاج أمير
قال يا جماعة القصة دى سهلة
أصلهُ يا عينى شعب فقير
حبّة زيت على كيلو مِشّكل
يجروا علينا من غير تفكير
قالوا مشروع النهضة يخلّى
مصر دى تبقى فى الأساطير
عملوا الزفّة و ليلة كبيرة
و نجح الريسّ بالتزوير
قال لجماعته لمّوا الشلة
هاخطب فيكُم فى التحرير
أهلى عشيرتى , أنا جيت أهنّى
راكب توك توك , عاوز أطير
خَرَج الشاطر و معاه مالك
قالوا ويانّا شُغل كثير
هانبيع سينا و نروح غَزّة
نفتح سوق و نجيب طراطير
شرب الشعب المصرى المقلَب
و جاى دلوقتى يقول تغيير
هشام الزيات
-----------------------------------------------
أحب أحييى أهلى و ناسى
و أحب أقف فى النُصّ
هاحكيلكوا أصلى حكاية غريبة
قَرّب تعالى و بُصّ
أبو شامة كان عنده عصابة
تسرق عقول الناس
يحشوها هجص و أى كلام
و يغيّبوا الاحساس
بدقون طويلة و ماسكين سِبَح
عاملين لى فيها دراويش
الشكل هيبة و الفعل خيبة
و العقل جُوّه مافيش
أبو شامة كان يُشخُط فيهم
الكُل قلبه يكِشّ
لا حَدّ يفتح بُقّه قُصاده
و لا حَدّ حتى يهِشّ
و فى يوم نَدَه أبو شامة على
واحد من الشِلّة
قالّه تعالى يا بلية قوام
احنا صحيح قِلّة
لكن معانا دعم كبير
و شعوبنا بتهيّس
نضحك عليهم بالتزوير
و نعملك ريّس
قام بلية صدّق نفسه يا عينى
فِرح و عاش فى الدور
عملوا له هيصة و زفّة كبيرة
و طلّعوا له باسبور
قالوا له اطلع لِفّ الدنيا
و هات معاك قرشين
و خُد معاك اخواتك دول
يطلعوا بوشّين
واحد يقول كلمة و الثانى
يرُدّ ينفيها
و الثالث يهلفط أى كلام
و يعمل عبيط فيها
يا بلية سيبك م اللى وراك
الأمر جَدّ خطير
اخلع و خُد الباب ده وراك
ده فيه رقاب هاتطير
الشعب قام من نومه خلاص
و فاق لألاعيبك
ان خنته أو بعته لعصابتك
عُمرُه ما يسيبك
هاحكيلكوا أصلى حكاية غريبة
قَرّب تعالى و بُصّ
أبو شامة كان عنده عصابة
تسرق عقول الناس
يحشوها هجص و أى كلام
و يغيّبوا الاحساس
بدقون طويلة و ماسكين سِبَح
عاملين لى فيها دراويش
الشكل هيبة و الفعل خيبة
و العقل جُوّه مافيش
أبو شامة كان يُشخُط فيهم
الكُل قلبه يكِشّ
لا حَدّ يفتح بُقّه قُصاده
و لا حَدّ حتى يهِشّ
و فى يوم نَدَه أبو شامة على
واحد من الشِلّة
قالّه تعالى يا بلية قوام
احنا صحيح قِلّة
لكن معانا دعم كبير
و شعوبنا بتهيّس
نضحك عليهم بالتزوير
و نعملك ريّس
قام بلية صدّق نفسه يا عينى
فِرح و عاش فى الدور
عملوا له هيصة و زفّة كبيرة
و طلّعوا له باسبور
قالوا له اطلع لِفّ الدنيا
و هات معاك قرشين
و خُد معاك اخواتك دول
يطلعوا بوشّين
واحد يقول كلمة و الثانى
يرُدّ ينفيها
و الثالث يهلفط أى كلام
و يعمل عبيط فيها
يا بلية سيبك م اللى وراك
الأمر جَدّ خطير
اخلع و خُد الباب ده وراك
ده فيه رقاب هاتطير
الشعب قام من نومه خلاص
و فاق لألاعيبك
ان خنته أو بعته لعصابتك
عُمرُه ما يسيبك
هشام الزيات
No comments:
Post a Comment