إعلان بالحب

أصبحتُ أمضى فى هواكِ متيماً

و بَنيتُ فى فؤادكِ قصرى و معبدى

قد كان قلبى فى الغرامِ زاهداً

و الآن حُبُكِ هو أملى و مَقصَدى

أفنيتُ عمرى للحسانِ عابداً

و عَزفتُ عنهم بعدَ عِشقكِ فاشهدى

هشام الزيات

عروس البحر

وسط موج البحر و الشواطئ الرملية

لقيتك يا عروسة البحر يا مرمرية

قربت و سألت مين انتِ يا أجمل صبية 

من أهل الأرض و الا م البحر جنّية

هزت شعورها و مدت ايد محنّية

و قالت أنا ملاك الحب عالشط منسية

هشام الزيات

حكاوى القلب

و لسه قلبى مليان بالحكاوى 

بالغناوى , بالكلام

لسه حاسس ان سنّى زى أولادى تمام

قلبى بيغنى و يرقص .. بس تايه فى الزحام

السنين جريت بسرعة من بين ايديا

و الزمن ساب خطوط واضحة عليّا

و قام يسابق خطوتى

أمشى يوم يقول سنة .. و أغيب يومين

يضيف عليهم كام سنة

كل يوم يعدى بيقرب ميعادى

و أنا أقول ده كله عادى

بس هاتولى ولادى

اللى سافر و اللى هاجر

و اللى واخداها حياتها

ماهى الحياة دايماً تلاهى

هشام الزيات

سَهَر

كم سهرتُ فى سكونِ الليلِ أرقُبها

و كم ظننتُ أن القربَ منها يُحيينى

يموجُ القلبُ بأشعارٍ و معانى أكتبُها

و آملُ نظرة أو كلمة منها تروينى

فما لانت لنجوى القلبَ أضلُعُها

و ما وجدتُ غير نارَ الشوقِ تُشقينى

فتجرى دموعى بحزنِ أسكُبُها

و ليسَ الحزنُ و الدمعُ منها يُدنينى

هشام الزيات

سألت

سألَت و قد مالت برأسها

أما زالَ قلبُكَ ينبضُ بالهوى

أما زالَ قلبُكَ يكتوى بالحبِ ليلَ نهار

فأينَ أشعارك تُلاحقنى و تحتوينى

و أينَ كلماتُكَ تُشعلُ فى القلبِ نار

و لِمَ البعادُ و قد علمتَ أنى عاشقة

و لِمَ الإعراضُ و قد أزحتُ سِتار

قالوا نساكِ و قد يئِسَ الوصال

سَئِمَ الهوى بعدَ أن طالَ انتظار

......

حبيبتى , كُفى ملامة و اسمعى

دقّات قلبى تُبدى الاعتذار

كيفَ أنساكِ و قد ملكتِ جوارحى

و كيفَ لا أهواكِ و ما لقلبى اختيار

لو كان قَدَرى فى الغرامِ مَحبّتِك

يهونُ فى حُبُكِ طول الانتظار

هشام الزيات

الدوامة

عرفت كثير و كان ليّا صُحاب ياما

و حُب كبير جرحنى و فات فى القلب ده علامة

ده مهما قابلنا هانفارق , لا عتاب ينفع و لا ملامة

و مهما نحب مش فارق , قلوبنا تضيع فى دوامة

و لما فى يوم حاولت أفهم , لقيتنى عاوزلى فهّامة

هشام الزيات

حورية من السما

أصل الحكاية صبيّة 

مَليحة بزيادة

الوجه كيف القمر 

أما الدلال عادة

و الشعر لون الليل

و الخدود سادة

و الخَصَر كيف البان 

و التَنية مِتعادة

دى حورية دى م السما 

ما جابتها ولّادة

تِسحر قلوب البشر

و حُبها عبادة

دُبت و قلبى انكسر 

لم قُلت بزيادة

هشام الزيات