من قدّ ايه كنا سوا
نخرج سوا , نلعب سوا .. نحلم سوا
من قدّ ايه جمعنا الهوى
زمان لما كنا لسه صُغيرين
و الحب لسه فى أوله مالوش دوا
كنا بنقول هانعيش سوا و نموت سوا
و أهى جت علينا أيام و خلص الهوى
راحت سنين و جَت سنين
و حدّ فينا نسى الوعود
نسى الأمانى و الأحلام و فات جراح
فى القلب ما يمحيها شئ فى الوجود
راحت سنين و جَت سنين
و الحب فارق مطرحه و ساب لنا
ذكرى و عُمر نكمله غُربة و حنين
راحت سنين و جَت سنين
و بقينا فى الدنيا بالإسم بس
إسمنا عايشين
هشام الزيات
No comments:
Post a Comment